في حب المتمة (2)
راجعين ليك
شمس الرجوع في طلوعا تتسكع
و دروب الرجعة بي همتنا تتوسع
داير ارجع
حلفت ارجع و ما أرجع
و احلفو قسم محال اطلع من البلد البديع مطلع
و اعيش دنياي مع الأهل الدوام ركع
متمة عزيزة بي ناسا الشموس و ارفع
بلد معروف بتاريخو و شورى بتقهر المدفع
قسم نرجع و فوق واطاتا نتربع
بلد مشهور بإنسانو و حيشانو و خلاويه
و ناسا يقيفوا فوق الضيف عشان يشبع
متمة عز و حرية و صمود وكت النحاس لعلع
عصينا أبينا نرحل بالشرق نفوتا عروضنا كيف نطلع؟
و في بوطليح كسرنا مربع الإفرنج
شموخ و بسالة يوم أروع
حريق الباشا بي شورتنا يوم فاجأنا بي مطمع
متمتنا الحبيبة سلام .. جاينك أريت هسع