ود سعد
عبد الله ثار
عبد الله زولا" جوفو حار
وكتين تصل مس العرض عبد الله نار
قال لي الخليفة أبينا تب
في عروضنا ما بنقبل هزار
السرة قالت زي أبوي
ما شفت حد
في عينو مافي كبير
سوى الفرد الصمد
عبد الله بي عيونا" شرار
دق النحاس
بي ناسو كان صعب المراس
قال يا ولد
أنا في البلد
كيفن بنرحل بالشرق
قول للخليفة محال تجد
فينا البخاف و الا البهد
فينا المرخرخ ما اتولد
جوا المتمة تموت كمد
مافينا من فز و لبد
شافعنا مولود زي أسد
حرمتنا مليون بي رجالك أو تزد
أهو دي المتمة خط أحمر
ما بنطيعك و ما بنخاف
الله أكبر
نحن حارسين البلد
دون العروض الموت حبابو
و الأرض نبقالا سد
جرب تعال تلقانا
زي نجم الرصد
عاصين عديل و بقينا ليك
خصما" ألد
عز المتمة يروح محال
قهارا أبداً ما اتولد
