ود سعد
متمة الأشراف و الإشراق
يا نجمة تسكبي في الحلل
أنا لي زمن محتار معاك
فيك حاجة من درة جعل
يا دوب عرفت سبب صفاك
بتطلي ديمة علي المتمة
وضيها الساطع كساك
و تشيلي من سحر النتايل
و تهدي للعالم بهاك
ما توصفي الشفتيه لي
أو تحكي عن منظر هناك
قولي لي عن المتمة
و أروي عن مهد الكرم
زيلي حزنا" بي ألم
و ردي لي روحي النغم
أنا أصلي من فرقة أديما
حل في عمري السقم
دي المافي بقعة تفوقا عزا"
إلا طيبة أو حرم
نسمة من جرف المتمة
أزكى من عطر الدنا
و ذرة من أرض المتمة
تذهب الهم و الضنا
و نظرة لي محيا المتمة
تطرد الغم و العنا
يا من قدمت إلى المتمة
أدر لحاظك في السنا
سعدا" لمن أم المتمة
أنت قد نلت المنى
سافري يا نسمة خليجنا
و ألثمي البلد الأبية
و ما أظنك تاني ترجعي
من بلد شامخة و ندية
مني ألف تحية ليها
و لي ربوعا السندسية
و حيي ناس رويانة عزة
و باقية عشرة علي القضية
و قولي ليهم نحن بيهم
نرفع الهامات عليا
