في هوى المتمة
يا متمتنا وهوانا
انتي ريدتنا الكبيرة
انتي في سودانا شامة
وانتي لي النيل الاميرة
لي الوطن تاريخ نضالو
وكل صفحاتو النضيرة
وانتي في سفر الاماجد
ديمة سيرتك اغلي سيرة
**
انتي في زاتك حكاية
وانتي اكبر من مدينة
وانتي عالم جد براهو
وفرحة لي قلوبنا الحزينة
ونحنا نبنيك يا متمة
بي سواعدنا الامينة
ونحنا بنحب لي ترابك
و غير ترابك ماهوينا
**
شوفي لي اولادك عشانك
هبوا بي همة وتفاني
وشالوا لي همك معاكي
وقالوا كيفن بس تعاني
ديل فوارسك يامتمة
جوكي بي الحب والاماني
يبنو مجدك يا اميرة
و فيك تكتمل المعاني
✍عماد المتمة