الناظر صلاح
عزك من قديم وارث النظارة وراثة
و رأيك يالحكيم ما حاكا كضب الساسة
فعلك يالهميم و الله كلو فراسة
و سيفك مستقيم بيهو المرق بتواسا
**
سليل الكرام وارث الشموخ و العزة
ياجبل الثبات الحاشا ما بتهزا
يوم ضرب النحاس بي سيفو بشر و هزا
و عند ساعة الدواس حاشاهو من الفزة
**
العقل الرشيد سيد الفهم و الرأي
قولك بالفعل ماك زول بجعجع ساي
معروف يالأصم إنك يمين سواي
و في يوم المحل نشهد عليك عطاي
**
أبواتك فوارس كم خاضوا فيها صعاب
أرسوها المبادي الباقية لينا كتاب
في الزمن المشين شفنا لي الكضاب
داير أوصل مقامك يالفارس الأرباب
عماد المتمة
عماد المتمة