يا ربي ديل بشر !!!
قالو بعرفو الدين
و كتلوه فى رمضان
الولد الصبى المسكين
يا ربى ديل بشر؟!
و لا فصيلة الشيطان
ديل ما أظن من طين
هم أظن علمان
ما لامين فى دين
لا بعرفو حق إنسان
لا بعرفو شرع الدين
طالع و عندو حقوق
و بعيد على السودان
حقوقو كانت غاز
و عيش بصنعو الخباز
و بلد نعيم و ملاذ
و بعيد على الثوار
لى ثوره كانت مجد
و يوم عظيم و شاذ
جاتو الرصاصه رزاز
سالت عروقو الدم
و كبت دموع الام
و خلا الوطن حزنان
حزنآ اصلو قديم
كم قتلو قبلو شهيد
حكومة ظالمة شديد
قالو بياخدو حق الدم
و بغيرو السودان
ديل ذادو لينا الغم
و خلو البلد غرقان
ديل مااا بعرفو حكم
ديل يااااخى سجم
ما خلو البلد تنجم
زمان سقطو الكيزان
و بتمنى ولاد العم
نفس الفصيلة كمان
بلد لا فيها أمان
لا زايدة فى الإيمان
هم دايرين نكون علمان
لاعبين بشعبنا الطيب
صابر على مدى الأزمان
حال من شقى و عذاب و أنين
شنو المافى فى السودان
بقدرة الرحمن
حباه بخير و أراضى و طين
نيل أصيل و متين
أين تذهب الثورات؟؟
أين الحقوق بذات
ما قالو حكومه ذو كفاءات
ساعين على الإنتاج
و بشغلو الخريج
و بعلو فى الدرجات
و لا ساكت شالو التاج
إذن فليعدل الميزان
