أمى كيفك🥺 و كيف حال البلد الشوق كتير قلبى إحترق كيف حال سدرتنا ديك ما شالت و لا حتت صفق!🌱 هل لسه الشفع بجو شان لقيط النبق و إجيك أخوى ..صحبى إنفلق و لما الشوكة تطعنو فى الكراع شافعآ بكى لمن شهق و النيم الفى الحوش الكبير فرعو هل أصبح مرق🌳 أبوى بدور منو الحطب شان كمان أصنع كرب🪵 الموسم خلاص أظن بدأ يا ربى زارع فى الغرب؟!🌱 و لا كمان دار الشرق😍 ياااارب زراعتو خير ياااربى عوضنا التعب🥺 أها و كيف أخوانى الصغار بقرو و حفارين للكتب و لا بجرو مع الجهال عادنها جوطه و شكل ودق🤦🏻♀️🤣 إنومو و إنسوها الكتب🤣 يمه قريهم شديييييد أصلو الرفعة با الأخلاق و العلم و الأدب يا يمه شان رفع العتب🧱🧱 نبنى من أول جديد أبشرى خلاص دربك مرق💓 أها و جدى كيف إشتقت لى شاى السهاج حبة سكيره فى القعير🤣 أسوطها و أشرب بى مزاج خايف إزيد السكرى فى العرق🥺 أها بشكى من آلام الركب؟ و ضغطو كيف؟ نعلو حاساه التعب وصيه إتحرك كتييبيييبير أصلو معاى ما بتفق🤦🏻♀️🤣 سلمان طاقه أمان💓 ربانى من عرق الحلال عودنى الخير و الصدق🥺 جدى ياااااا عزززز العرب حصنتو با الناس و الفلق🤲🏻 يا أمى محمد إتصل💓 قال قريب يمكن إصل الجامعة قربت للختام باقى ليه أظن فصل بس إتاخر فى النظام بسبب المشاكل فى الشرق و صفوية نازلة الامتحان أدعى ليها تحل فى الورق و أنا يمه من بعد السلام دعواتك لى شديد بيها حالى إنصلح أصلو ما يقيف قدامى شى مفتوحة لى كل الطرق و حتى لو انسدا باب إجينى ضو آخر النفق و أرضى بحكم الكريم رب الخلايق و الخلق أبقى زى ما إتمنيتى لى دكتورة مخلصه بصدق أعالج كل مريض أداوى و أخفف للألم أخصائيه بالخط العريض🙃 و نمشى أنا و إنتى و أبوى نمشى بيت الله الحرم يااااااااربي أحلام مروة دى تكون قريبة ما زى النجوم بس بتتألق ألق🤲🏻🥺
